Þriðjudaginn 16. apríl sl. fóru fram kosningar í stjórn og önnur embætti hjá Nemendafélagi Fjölbrautaskóla Vesturlands á Akranesi. Kosningin var með rafrænum hætti í þetta skiptið en það mun vera í fyrsta skipti í sögu nemendafélagsins. Úrslit kosninganna voru loks tilkynnt á aðalfundi NFFA á föstudaginn. Til formennsku næsta skólaár var kjörinn Valdimar Ingi Brynjarsson. Aðrir í stjórn NFFA eru: Alexander Egill Guðmundsson, Arnar Freyr Sigurðsson, Arnór Bjarki Grétarsson, Sólveig Rún Samúelsdóttir og Sævar Berg Sigurðsson. Er nær dregur hausti stendur loks til að kjósa einn fulltrúi nýnema í stjórnina.
|
Þá var kosið í önnur embætti nemendafélagsins. Hallmar Gauti Halldórsson og Sindri Snær Alfreðsson voru kjörnir umsjónarmenn Tónlistarklúbbs, Kristinn Gauti Gunnarsson tekur við umsjón Kvikmyndaklúbbs, Björn Þór Björnsson og Snorri Kristleifsson við Viskuklúbbi, eða Gettu betur, og loks mun Þorri Líndal Guðnason leiða starf Ljósmyndaklúbbs. Að þessu sinni gaf engin kost á sér til formennsku í Góðgerðafélaginu Eyni (GEY), Listaklúbbs, Leiklistarklúbbs og Íþróttaklúbbs.
|
