Skessuhorn:

Kveikt í við Brekkubæjarskóla

30. apríl 2012

Kveikt var í rusli við Brekkubæjarskóla á Akranesi í liðinni viku. Klæðning hússins sviðnaði og skemmdir voru af völdum sóts á klæðningu og einangrun. Ekki er vitað hver var að verki en töluvert tjón hlaust af brunanum. Þá var brotin rúða í bifreið við íþróttavæðið á Jaðarsbökkum og stolið veski með peningum og skilríkjum. Töluvert tjón var unnið á bifreiðinni.