 Sjávarútvegsráðuneytið hefur gefið út reglugerð varðandi viðbótardag þar sem bátum á A-svæði er heimilt að stunda veiðar í ágúst. Þriðjudaginn 10. júlí síðastliðinn auglýsti ráðuneytið ekki stöðvun veiða á A-svæði vegna tæknilegra ástæðna og margir bátar héldu því á sjó. Þeir bátar sem ekki héldu til veiða 10. júlí, fá því aukadag í ágúst. Þeir eru 96 talsins. Reglugerð sjávarútvegsins hljóðar svo: „Þeim bátum á svæði A sem stunduðu strandveiðar í júlímánuði 2012 en héldu ekki til veiða þriðjudaginn 10. júlí 2012 er heimilt, eftir að strandveiðar í ágústmánuði hafa verið stöðvaðar á svæðinu með auglýsingu, að stunda strandveiðar í einn viðbótardag í beinu framhaldi af gildistöku stöðvunarinnar. Fiskistofa skal annast framkvæmd þessa ákvæðis.“ Þeir sem héldu til veiða 10. júlí en snéru við, án þess að renna fyrir fisk, eftir að tilkynning frá ráðuneytinu um aukadag í ágúst barst er bent á að nauðsynlegt sé fyrir þá að senda Fiskistofu skriflegt erindi um mál þeirra. Sjá má lista yfir þá báta sem fá aukadag hér.
|
