Skessuhorn:

Átta berjast um þrjú efstu sætin í prófkjöri Samfylkingarinnar.

19. mars 2010

Átta sækjast eftir þremur efstu sætum á lista Samfylkingarinnar á Akranesi í komandi sveitarstjórnarkosningum, jafn margar konur og karlar. Kosið verður um fyrstu þrjú sætin í prófkjöri sem hefst í dag, föstudaginn 19. mars kl. 15.00 og stendur til kl. 22.00. Einnig verður kosið á morgun, laugardag frá klukkan 9.00 - 15.00. Kosið verður um röðun í sæti 4 - 9 á sérstökum kjörfundi að því loknu. Kosið verður á kosningaskrifstofu flokksins að Stillholti 16-18. Samfylkingin á nú tvo fulltrúa í bæjarstjórn og sækjast þeir báðir eftir endurkjöri. Eftirtaldir sækjast eftir þremur efstu sætunum:

Björn Guðmundsson húsasmiður sækist eftir 1. 3. sæti

Einar Benediktsson verkamaður sækist eftir 1.-3. sæti

Guðríður Sigurjónsdóttir leikskólakennari sækist eftir 2.-3. sæti

Hafsteinn Sigurbjörnsson eftirlaunaþegi sækist eftir 3. sæti

Hrund Snorradóttir kaffihúsaeigandi sækist eftir 2.-3. sæti

Hrönn Ríkharðsdóttir skólastjóri og bæjarfulltrúi sækist eftir 1.-2. sæti

Ingibjörg Valdimarsdóttir deildarstjóri hjá Orkuveitu Reykjavíkur sækist eftir 2.-3. sæti

Sveinn Kristinsson starfsmaður Orkuveitu Reykjavíkur og bæjarfulltrúi sækist eftir 1. sæti