 Nú hefur verið lokað fyrir keppni á vefnum karlmenn og krabbamein.is og því ljóst hverjir sigruðu í hópakeppni átaks Krabbameinsfélagsins - Mottumars. Arion banki náði toppsætinu í harðri baráttu – en gríðarleg stemning var meðal starfsmanna bankans og yfir 100 karlmenn sem söfnuðu vænlegri mottu. Þess má einnig geta að vinningshafi í einstaklingshluta keppninnar verður valinn í beinni og opinni söfnunardagskrá á Stöð 2 í kvöld, föstudag. Þá kýs þjóðin sína „uppáhaldsmottu“ úr hópi fimm efstu keppendanna í gegnum síma. Valið í einstaklingshluta Mottu-mars verður spennandi. Einn vænlegur keppandi er af Vesturlandi, nefnilega Guðlaugur V Antonsson hrossaræktarráðunautur hjá BÍ og Hvanneyringur. Hann keppir við þá Rúnar Sigurðsson, Svein Magna Jensson, Hinrik Greipsson og Hilmar Harðarson í símakosningunni í kvöld.
|
