 Snæfell leiðir undanúrslitaeinvígið 2-1 gegn KR eftir 77:81 og mikinn spennusigur í DHL-Höllinni í gær. Leikurinn var stál í stál frá upphafi til enda, þar sem liðin skiptust 24 sinnum á forystunni. Hólmarar reyndust sterkari á lokasprettinum sem einkenndist af vítakeppni, en það var þó af frumkvæði Martins Berkis sem gestirnir sigu fram úr en hann setti niður 5 af 7 þristum sínum í leiknum og þeir voru í dýrari kantinum í síðari hálfleik. Fimm leikmenn Snæfells gerðu 10 stig eða meira í leiknum og þeirra atkvæðamestur var Hlynur Bæringsson með 19 stig og 15 fráköst. Martins Berkis kom næstur en setti hann niður 5 af 7 þristum sínum í leiknum og lauk leik með 15 stig.
Snæfell getur tryggt sig í úrslitaviðureigna, væntanlega gegn Keflavík, ef Snæfellingum tekst að sigra í Hólminum annað kvöld. Keflavík leiðir 2:0 í hinni úrslitaviðureigninni gegn Njarðvík og virðist vera á fljúgandi siglingu þessa dagana.
| 
