Skessuhorn:

Nýtt símafyrirtæki í eigu Bandaríkjamanna tekur til starfa í dag

14. apríl 2010

Alterna er nýtt farsímafyrirtæki í eigu bandaríska fjarkskiptafélagins IMC Worldcell sem hóf starfsemi í dag.  “Félagið er nýr valkostur fyrir fjölskyldur og fyrirtæki alls staðar á landinu,” segir í tilkynningu frá Alterna. Þar segir að markmið fyrirtækisins sé að vera með lægsta mínútuverð á landinu hvort sem hringt er í farsíma eða heimasíma og hringja allir viðskiptavinir Alterna frítt hver í annan. Þá leggur Alterna mikið upp úr gagnsæi í verðlagningu þannig að neytendur eigi auðveldara með að bera saman verð og skera niður í útgjöldum heimilisins. “Svigrúm hefur skapast til verðlækkana á fjarskiptamarkaðnum sökum fákeppni sem hefur leitt til verðhækkana. Jafnframt  líður markaðurinn fyrir þær miklu skuldir sem fjarskiptafyrirtækin og eigendur þeirra þurfa að standa undir. Alterna er frá fyrsta degi með útbreiðslu um landið allt. Með reikisamning við Símann tryggir Alterna öruggt samband á stærsta dreifikerfi landsins.”

Alterna hefur almenna heimild frá Póst- og fjarskiptastofnun til fjarskiptastarfsemi. Fyrirtækið er staðsett með skrifstofur, verslun og þjónustuver í Borgartúni 28.