 Hestamannafélagið Glaður í Dölum hélt firmakeppni síðastliðinn laugardag. Góð mæting var bæði í röðum þátttakenda og áhorfanda. Eftir firmakeppnina sýndu börn sem tóku þátt í reiðnámskeiði Glaðs í vetur í nýju reiðhöllinni það sem þau höfðu lært hjá Skildi Orra Skjaldarsyni kennara sínum. Það þótti eftritektarvert hversu gott vald jafnvel minnstu börn höfðu á reiðskjótum sínum og hversu fumlaust og prúðmannleg sýningin var. Mikill munur þykir eftir að reiðhöll þeirra Glaðsmanna reis síðastliðið haust þar sem hægt er að vera með námskeiðahald allan veturinn. Nokkrar vaskar konur voru með ýmislegt gott í gogginn þar inni og að sýningu lokinni voru grillaðar pylsur og nokkur hesthús opin fyrir gesti og gangandi.
| 
