 Á hádegi, þegar frestur hafði runnið út til að skila inn framboðslistum í Borgarbyggð, voru fimm stjórnmálaöfl búin að skila inn framboðslistum, að sögn Hilmars Más Arasonar formanns yfirkjörstjórnar. Þetta eru listar Framsóknarflokks, Samfylkingar, Sjálfstæðisflokks, Svarta listans og Vinstri hreyfingarinnar grænst framboðs. Að sögn Hilmars verður nú farið í að yfirfara lista og önnur gögn frá framboðunum til að fullvissa sig um að allt sé samkvæmt laganna bókstaf. Að sögn Hilmars hefur Svarti listinn, sem er nýtt stjórnmálaafl í sveitarfélaginu, sótt um listabókstafinn A. Listinn skilaði nöfnum 18 frambjóðenda líkt og aðrir flokkar í sveitarfélaginu.
|
