Skessuhorn:

Fyrsti áfangi skólabyggingar boðinn út

26. maí 2010

Á fundi bæjarstjórnar Stykkishólms sl. fimmtudag var samþykkt tillaga skipulags- og byggingarnefndar og bæjarráðs að bjóða út byggingu fyrsta áfanga stækkunar grunnskóla og tónlistarskóla Stykkishólms. Einnig er samþykkt að frávikstilboð eru heimiluð þar sem núverandi húsnæði Tónlistarskólans við Skólastíg verði tekið upp í sem hluti greiðslu. Viðbyggingin er samkvæmt teikningum frá Arkitektastofu OG og er 818,6 fermetrar að stærð. Núverandi skólahúsnæði er 2.210 fermetrar að stærð.