Skessuhorn:

Nokkuð um útstrikanir í Borgarbyggð

1. júní 2010

Nokkuð var um að kjósendur í Borgarbyggð nýttu þann rétt sinn að strika yfir nöfn ákveðinna frambjóðenda eða breyttu röð í sveitarstjórnar-kosningunum. Á A-lista var strikað yfir 15 nöfn en röð frambjóðenda ekki breytt. Á B-lista var strikað yfir 5 nöfn og röð frambjóðenda breytt á þremur kjörseðlum. Á D-lista var strikað yfir 14 nöfn og röð frambjóðenda breytt á tveimur kjörseðlum. Á S-lista var strikað yfir 9 nöfn og röð frambjóðenda breytt á tveimur kjörseðlum.  Á V-lista var strikað yfir 12 nöfn og röð frambjóðenda breytt á fimm kjörseðlum. Mestar útstrikanir voru á D-lista Sjálfstæðisflokksins. Dagbjartur Ingvar Arilíusson fékk 42 útstrikanir, Björn Bjarki Þorsteinsson 24, Jónína Erna Arnardóttir og Hildur Hallkelsdóttir 8 útstrikanir hvor.

Á B-lista Framsóknarflokks fékk Sveinbjörn Eyjólfsson 14 útstrikanir og á V-lista Vinstri grænna var Ragnar Frank Kristjánsson strikaður út á tíu kjörseðlum.   Aðrir fengu færri útstrikanir.