 Sjálfstæðisflokkur og Vinstri hreyfingin grænt framboð í Borgarbyggð hafa síðan fyrir helgi rætt um meirihlutasamstarf þessara flokka. Þá hafði slitnað upp úr viðræðum milli Framsóknarflokks, Samfylkingar og VG. Að sögn oddvita Sjálfstæðisflokks og VG ganga viðræður flokkanna vel og allt útlit fyrir að þeim ljúki síðar í vikunni. Í gangi hefur verið vinna að nýjum málefnasamningi og að sögn oddvitanna er mjög góður andi í hópnum. Búið er að ræða helstu verkaskiptingu en samkvæmt henni verður Björn Bjarki Þorsteinsson formaður byggðarráðs og Ragnar Frank Kristjánsson forseti bæjarstjórnar. Páll S Brynjarsson verður áfram sveitarstjóri Borgarbyggðar.
|
