 |
Þyrill í Hvalfirði. Ljósm. Mats Wibe Lund. | Í sumar stendur Ungmennasamband Borgarfjarðar fyrir gönguferðum á fjöll, líkt og undanfarin ár. Í sumar verður gengið að ýmsum fossum í héraðinu, sérstaklega þeim sem ekki eru í alfaraleið. Göngurnar verða flestar á fimmtudagskvöldum. Auk þess verður gengið á Þyril og Varmalækjarmúla sem eru fjöll UMSB í verkefni Ungmennafélags Íslands sem nefnist Fjölskyldan á fjallið. Á Þyrli og Varmalækjarmúla verða gestabækur í sumar. Á morgun, föstudaginn 11. júní klukkan 19:00 verður farið í gönguferð með gestabók á Þyril í Hvalfirði. Mæting er fyrir ofan tanka Olíudreifingar í Litlasandsdal, ofan við Hvalstöðina.
|
