 Eins og fram hefur komið hafa kosningarnar í Reykhólahreppi 29. maí sl. verið dæmdar ólögmætar á þeirri forsendu að íbúum í Flatey barst ekki auglýsing um þær. Því verður kosið aftur í sveitarfélaginu. Gústav Jökul Ólafsson sem var oddviti hreppsnefndar á síðasta kjörtímabili segir að hrepps- og kjörnefnd komi saman til fundar í kvöld. Þar verður nýr kjördagur ákveðinn. Aðspurður sagðist hann ekki myndi taka þátt í því að myndaður yrði einn listi þeirra sem hlutu kosningu í lok maí. Taldi hann því líklegt að aftur yrði kosið persónubundinni kosningu.
| 
