 Fjórir Skagamenn voru í gær úrskurðaðir í eins leiks bann af aga- og úrskurðarnefnd KSÍ, en þrír þeirra fengu rauða spjaldið í síðasta leik ÍA í 1. deildinni gegn Þrótti. Það eru þeir Páll Gísli Jónsson markvörður, Stefán Örn Arnarson framherji og Þórður Þórðarson þjálfari. Þeir verða allir í banni þegar ÍA sækir Gróttu heim annað kvöld, fimmtudag. Þá fékk Andri Júlíusson eins leiks bann vegna fjögurra gulra spjalda. Hann má leika gegn Gróttu á fimmtudagskvöldið en yrði þá að taka banni út í næsta leik á eftir, gegn ÍR á Akranesi í næstu viku. Væntanlega mun Andri leika í framlínu ÍA annað kvöld, en um sex stiga leik er að ræða þar sem bæði Grótta og ÍA eru á svipuðum slóðum við botn deildarinnar.
|
