Skessuhorn:

Óveður á Snæfellsnesi

2. febrúar 2011

Stórhríð og þæfingsfærð er á norðanverðu Snæfellsnesi í dag og hefur skólahald raskast nokkuð vegna þess. Skólaakstur milli Hellissands og Ólafsvíkur féll niður vegna óveðurs og þá féll skólahald niður í Lýsuhólsskóla af sömu ástæðum. Rútuferðir til Fjölbrautaskóla Snæfellinga í Grundarfirði frá nærliggjandi sveitarfélögum féllu einnig niður. Þá verður ekki borinn út póstur í Snæfellsbæ í dag vegna veðurs.