Dagur leikskólans, 6. febrúar, ber að þessu sinni upp á sunnudag, en hann verður haldinn hátíðlegur í leikskólum landsins í dag, föstudaginn 4. febrúar. Þann 6. febrúar árið 1950 stofnuðu frumkvöðlar leikskólakennara fyrstu samtök sín og var því fagnað í fyrra á 60 ára afmæli félagsins. Dagurinn leikskólans er samstarfsverkefni Félags leikskólakennara, mennta- og menningarmálaráðuneytis, Sambands íslenskra sveitarfélaga og Heimilis og skóla. Tilgangurinn með deginum er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfið út á við.
|
Dagur leikskólans verður nú haldinn í fjórða sinn, leikskólakennarar og annað starfsfólk leikskóla hafa á undanförnum árum, ásamt börnunum, gert daginn eftirminnilegan á margan hátt og verður engin breyting þar á í ár. Starfsmenn leikskóla hafa hver og einn valið sína leið til þess að kynna sinn leikskóla í samstarfi við börnin og verður fjölbreytnin mikil að þessu sinni, segir í tilkynningu frá Félagi leikskólakennara.
|
