Skessuhorn:

Umsóknir með handverk

7. febrúar 2011

Handverkshátíðin í Hrafnagilsskóla í Eyjafirði verður haldin í 19. sinn dagana 5. – 8. ágúst. Umsóknarfrestur vegna þátttöku rennur út 1. maí nk. „Öllum sem vinna að handverki og hönnun er heimilt að sækja um þátttöku. Sérstök valnefnd leggur mat á umsóknirnar og velur þátttakendur,“ segir í fréttatilkynningu frá hátíðinni. Þar segir að áhugi fyrir handverki og hönnun sé gríðarlegur og hafi fjöldi umsókna þegar borist. „Í fyrsta sinn í sögu hátíðarinnar verður hátíðin formlega kynnt á Norðurlöndunum handverksfólki og hönnuðum til þátttöku.“ Nánari upplýsingar má finna á www.handverkshatid.is