Skessuhorn:

Jakob gerir það gott í meistaradeildinni

21. febrúar 2011

Jakob S. Sigurðsson tamningamaður frá Steinsholti í Hvalfjarðarsveit sigraði með yfirburðum í gæðingafimi Meistaradeildar VÍS sem fram fór 12. febrúar sl. Jakob keppti á hryssunni Árborg frá Miðey. Þótti hann sýna vel útfærða og faglega sýningu. Fengu þau einkunnina 7,88. Sigurbjörn Bárðarsson hafnaði í öðru sæti með 7,60, einnig með frábæra sýningu, en Sigurbjörn keppti á Jarli frá Miðfossum. Í þriðja sæti varð Bylgja Gauksdóttir, Auðsholtshjáleigu, á Grýtu frá Garðabæ með einkunnina 7,42.