Skessuhorn:

Aukin lýsing við innkeyrsluna til Akraness

2. mars 2011

Að undanförnu hefur verið unnið við að setja upp fleiri ljósastaura við innkeyrsluna til Akraness. Fyrr  í vetur höfðu verið settir upp ljósastaurar á vegamót vegar númer 51, Akrafjallsvegar og vegar 509, Akranesvegar . Nú er haldið áfram alveg að Hausthúsatorgi og birtir því verulega til á þessum slóðum.

Mikil umferð er um þessi vegamót og nokkrir árekstrar hafa orðið þar enda voru vegamótin ekki vel sýnileg í myrkri áður en lýsingin var sett upp.