Skessuhorn:

Oddaleikur hjá Snæfelli og Haukum

22. mars 2011

Það ætlar ekki að verða auðvelt fyrir Snæfell að komast upp úr 8-liða úrslitum IE-deildarinnar í körfubolta. Þeir áttu í brösum með Hauka í fyrsta leik liðanna  í Hólminum sl. föstudagsköld og töpuðu svo fyrir þeim í öðrum leiknum á Ásvöllum í gærkvöldi. Nánast sömu lokatölurnar hafa verið í leikjunum, 76:67 í fyrri leiknum og 77:67 í þeim seinni. Liðin mætast því í oddaleik í Hólminum annað kvöld.  

Haukarnir mættu mjög grimmir til leiks á Ásvöllum eins og í fyrri leiknum og voru nú búnir að finna svar við svæðisvörninni sem varð þeim að falli í leiknum í Hólminum. Haukarnir voru með frumkvæðið í byrjun en Snæfellingar náðu að hanga í fram að hálfleik en þá var staðan 38:37 fyrir Hauka. Heimamenn voru svo í ham í seinni hálfleiknum og náðu að slíta sig frá aftur án þess að gestunum tækist að jafna. Í þriðja leikhlutanum var yfirleitt fimm stiga munur á liðunum, en varð svo meiri á lokakaflanum.

Jón Ólafur Jónsson var stigahæstur hjá Snæfelli með 14 stig og 5 fráköst, Ryan Amaroso skoraði 13 og tók 15 fráköst, Sean Burton var einnig með 13 stig, 8 fráköst og 5 stoðsendingar, Atli Rafn Hreinsson 9 stig og 4 fráköst, Pálmi Freyr Sigurgeirsson 9, Zeljko Bojovic 5, Sveinn Arnar Davíðsson og Emil Þór Jóhannsson 2 stig hvor.