| “Ég er hérna með öfluga stjórn og samhent og gott starfsfólk með mér. Með þessa öflugu hersveit kvíði ég ekki framtíðinni í þessu starfi. Mér var reyndar hent út í djúpu laugina strax. Er búinn að sitja einn samningafund um kjaramál og í dag bíða mín tveir fundir líka um kjaramálin,” segir Stefán Einar Stefánsson nýkjörinn formaður í VR. Stefán Einar er eins og margir vita úr Borgarnesi, sonur Stefáns Skarphéðinssonar sýslumanns og Ingibjargar Ingimarsdóttur sem starfar í Ráðhúsi Borgarbyggðar. “Það má segja að ég hafi slitið barnsskónum á þeim fallega golfvelli á Hamri og ég hugsa alltaf hlýtt heim í Borgarnes,” sagði Stefán þegar blaðamaður Skessuhorns ræddi við hann í síðustu viku.
Nánar er rætt við Stefán Einar Stefánsson í Skessuhorni vikunnar sem kom út í dag.
|
