Skessuhorn:

Göngin lokuð næstu tvær nætur

17. apríl 2011

Hvalfjarðargöng verða lokuð í tvær nætur í dymbilvikunni vegna viðhalds; aðfararnótt mánudagsins 18. apríl og aðfararnótt þriðjudagsins 19. apríl frá miðnætti til kl. 6 að morgni. Göngin hafa verið lokuð á nóttunni í vikum 14 og 15 en betur má ef duga skal, segir á heimasíðu Spalar. Þess vegna bætist nú við lokun í tvær nætur í þessari viku. Þá segir að vegfarendur hafi sýnt því lofsverðan skilning að grípa verði til slíkra ráðstafana svo takist að gera það sem gera þarf undir Hvalfirði.