Síðasta vetrardag var Ferstikluskálinn í Hvalfirði opnaður aftur eftir nokkurt hlé. Staðurinn hefur fengið andlitslyftingu og verður margt nýtt í boði þar í sumar. Tveir veitingasalir hafa verið innréttaðir, annar í amerískum "diner" stíl en í hinum mun kaffihúsa- og gallerístemning ráða ríkjum. Unnið er að uppsetningu á sýningu með ágripi af sögu hvalveiða í Hvalfirði, munum og myndum því tengdu. Sýningin verður opnuð 17. júní næstkomandi.
|
Að sögn Kristjáns Karls, nýs rekstraraðaliða Ferstikluskála, verður um heðbundinn söluskála að ræða ásamt lítilli matvöruverslun, veitingastað, galleríi og því sem hann kallar Litlu hvalasýninguna. Hinar ýmsu uppákomur verða haldnar í sumar, byrjað verður með hátíð til að fagna sumri laugardaginn 28. maí, en þar mun meðal annars trúbadorinn Jón Argrímsson halda uppi stuðinu. Spurningakeppnir “Bar - Svar” verða haldnar reglulega á laugardögum í allt sumar.
Staðurinn verður opin alla daga frá klukkan 11-19 í maí og frá klukkan 10-22 það sem eftir lifir sumars. Allar nánari upplýsingar um Ferstikluskálan má finna á www.ferstikla.is og á Facebook.
|
