Skessuhorn:

Sýningin Séra Magnús opnuð á föstudaginn

9. maí 2011

Föstudaginn 13. maí verður opnuð ný sýning í Safnahúsinu í Borgarnesi í tilefni af 50 ára afmæli Héraðsskjalasafnsins. Sýningin hefur hlotið heitið Séra Magnús og er um ævi Magnúsar Andréssonar (1845-1922) sem bjó á Gilsbakka í Hvítársíðu frá árinu 1881, ásamt sinni mætu konu Sigríði Pétursdóttur.  Séra Magnús var m.a. alþingismaður Borgfirðinga um margra ára skeið og kom þar að mótun sjálfstæðisbaráttu Íslendinga um og eftir aldamótin 1900. Af þessu tilefni er sýningin helguð minningu Jóns Sigurðssonar á merku afmælisári hans. Sýningin verður opnuð með stuttri athöfn á neðri hæð Safnahúss kl. 17.30 föstudaginn 13. maí.  

Nánar er fjallað um sýninguna í Skessuhorni næsta miðvikudag.