Skessuhorn:

Slökktu glóð í einangrun

6. maí 2011

Slökkvilið Akraness og Hvalfjarðarsveitar var í hádeginu í dag kallað út að Kalmansvöllum 6 á Akranesi þar sem lifrarniðursuðan Akraborg ehf. er til húsa. Farið var að rjúka úr einangrun í þaki við reykrör inn í húsið, sem tengist reykhofni vinnslunnar. Slökkvistarf gekk afar fljótt og notaði slökkviliðið One Seven búnað og sprautaði kvoðu undir þakplötur hússins. Til öryggis voru plötur þó losaðar til að komast að upptökum neystans.