Skessuhorn:

Ók á ljósastaur

13. maí 2011

Ökumaður missti stjórn á bifreið sinni á Esjubrautinni á Akranesi á sjöunda tímanum í gærkvöldi með þeim afleiðingum að bifreiðin hafnaði á ljósastaur. Maðurinn, sem grunaður er um ölvun, slasaðist við áreksturinn og var fluttur á sjúkrahúsið á Akranesi til skoðunar en meiðsl hans eru ekki talin alvarleg. Bíllinn var að sögn lögreglunni á Akranesi óökufær eftir óhappið og ljósastaurinn er talinn ónýtur. Samkvæmt vitnum ók ökumaðurinn töluvert yfir hámarkshraða, sem er 50 km/klst. á þessum stað.