Á næstu vikum verða skólameistaraskipti hjá Fjölbrautaskóla Vesturlands á Akranesi. Hörður Helgason lætur af störfum þegar sumarleyfin byrja og gengið verður frá ráðningu nýs skólameistara á næstu dögum. Hörður hefur gegnt skólameistarastarfinu síðustu tíu árin, en var þar áður aðstoðarskólameistari í fimm ár. Þar af leysti hann Þóri Ólafsson þáverandi skólameistara af hólmi í eitt ár þegar hann var í námsleyfi. Hörður á að baki langan feril við kennslu og skólastjórn á Akranesi frá því hann fluttist á staðinn haustið 1972 úr Reykjavík. Hörður hefur komið mikið við sögu knattspyrnunnar á Akranesi, í fyrstu sem leikmaður og síðan þjálfari. Um þetta allt var rætt við Hörð þegar blaðamaður Skessuhorns leit við hjá honum í fjölbrautaskólanum í lok síðustu viku, í tilefni þeirra tímamóta sem hann stendur nú á.
Í Skessuhorni vikunnar er spjallað við Hörð Helgason sem er að láta af störfum skólameistara FVA.
| 
