Skessuhorn:

Eldur kom upp í strandveiðibáti

6. júní 2011

Eldur kom upp í trillunni Kristbjörgu SH í dag þar sem hún var stödd á strandveiðum á Breiðafirði. Mbl.is hefur eftir Þorkeli Péturssyni skipstjóra að hann hafi í fyrstu fundið brunalykt og síðan séð eld loga aftur í brú. Beitti hann slökkvitækjum og náði þannig að slökkva eldinn. Björgunarsveitir við Breiðafjörð voru settar í viðbragðsstöðu en það var björgunarbátar frá Lífsbjörgu sem fór og fylgdi Kristbjörgu í land til Ólafsvíkur. Gekk heimferðin vel en töluvert var farið að hvessa við heimkomuna.