Skessuhorn:

Starfsmenn Klafa kjósa um verkfall eftir helgina

16. júní 2011

Fundi lauk í morgun hjá ríkissáttasemjara vegna kjaradeilu starfsmanna Klafa á Grundartanga við Samtök atvinnulífsins. Klafi er fyrirtæki sem sér um upp- og útskipanir og önnur þjónustuverk fyrir eigendur sína, sem eru Norðurál og Elkem Ísland sem hvort um sig eiga helming í fyrirtækinu. Hefur verið ákveðið að kjósa um verkfall í næstu viku, að því er fram kemur á vef Verkalýðsfélags Akraness. Kjarasamningur starfsmanna Klafa rann út um síðustu áramót og hafa verið haldnir átta fundir hjá riksisáttasemjara og allir án árangurs, segir jafnframt á vef VLFA.

Sjá nánar: www.vlfa.is