Bridgehátíð Borgarness fór að vanda fram fyrstu helgina í janúar. Á laugardeginum var spiluð sveitakeppni með 27 sveitum sem komu víðsvegar að af landinu. Mótið í ár var óvenju sterkt enda mættu tvö pör af þremur sem skipa landslið Íslands. Spilaðar voru átta umferðir með átta spila leikjum og raðað eftir Monrad kerfi. Sigurvegarar urðu liðsmenn Sparisjóðs Siglufjarðar, þeir Jón Baldursson, Þorlákur Jónsson, Sverrir Ármannsson og Steinar Jónsson. Hlaut sveitin 165 stig. Í öðru sæti með 159 stig varð sveitin IceAk, en liðsmenn hennar voru Ísak Örn Sigurðsson, Rúnar Gunnarsson, Pétur Gíslason og Páll Þórsson. Þriðju urðu Meistarinn og Strumparnir með 147 stig, en þeir eru Bjarni H Einarsson, Aðalsteinn Jörgensen, Gunnlaugur Sævarsson og Karl G Karlsson.
|
Á sunndeginum var spilaður tvímenningur á 17 borðum, 11 umferðir og fjögur spil á milli para og raðað eftir Monrad. Sigurvegarar urðu Gunnlaugur Karlsson og Stefán Jónsson með 60,2% skor, annað sætið með 59,5% skor hlutu Páll Valdimarsson og Sverrir Kristinsson, í þriðja sæti urðu Guðmundur Baldursson og Steinberg Ríkharðsson með 56,8% skor.
|
