Á laugardaginn stóðu Snorrastofa og Skessuhorn fyrir málþingi um fjölmiðlun á landsbyggðinni. Málþingið bar yfirskriftina „Fjölmiðlar á landsbyggðinni: Hlutverk og staða.“ Alls voru sex erindi flutt af þeim Birgi Guðmundsyni lektor við Háskólan á Akureyri, Þóroddi Bjarnasyni prófessor við sama skóla, Áslaugu Karen Jóhannsdóttur blaðamanni, Jóni Jónssyni þjóðfræðingi, Halldóri Karlssyni sérfræðingi hjá Hagstofu Íslands og Gísla Einarssyni frétta- og dagskrárgerðarmanni á Ríkisútvarpinu. Þingið sóttu um 30 manns og fór það fram í hátíðarsal Héraðsskólans í Reykholti. Málþingsstjóri var Magnús Magnússon ritstjóri Skessuhorns.
|
Margt bar á góma á málþinginu svo sem árangur Ríkisútvarpsins af fréttaflutningi af landsbyggðini, stöðu héraðsfréttamiðla nú á dögum í samfélaginu og mögulegar fjárveitingar hins opinbera til fréttamiðla. Rauði þráðurinn í umfjöllunarefnum frummælenda og umræðum að þeim loknum var sú skoðun að staðbundin fjölmiðlun skili sér ríkulega til betra samfélags.
Lesa má nánar um málþingið og einstök erindi sem flutt voru í Skessuhorni sem kom út í dag. |
