Skessuhorn:

Slysavarnadeildin Líf gaf HVE gjöf

23. febrúar 2012

Á mánudaginn síðasta fékk ungbarnavernd Heilbrigðisstofnunar Vesturlands (HVE) á Akranesi gjöf frá Slysavarnadeildinni Líf sem starfrækt er í bænum. Gaf félagið myndarlegt magn gjafapakka sem hver og einn inniheldur bækling um öryggi barna, endurskinsmerki og prjónles fyrir ungabörn. Voru prjónaflíkurnar sem gefnar voru prjónaðar af félagskonum á öllum aldri í deildinni að undanförnu. Nýbakaðir foreldrar sem heimsækja ung- og smábarnaverndina koma til með að njóta góðs af gjöfinni á næstunni.