Skessuhorn:

Rafmagn komið á í Dölum

11. mars 2012

Viðgerð Rariksmanna á Saurbæjarlínu í Dölum lauk um klukkan 18:45 í kvöld. Eiga þá allir notendur á svæðinu að vera komnir með rafmagn, að sögn Björns Sverrissonar svæðisstjóra Rarik. Lengst voru íbúar í Saurbæ og Skarðsströnd án rafmagns, eða frá því snemma í morgun. Var farið að kólna í húsum og kýr farnar að ókyrrast, enda ekki verið mjólkaðar síðan í gærkveldi.