Skessuhorn:

Ungmennafélag Stafholtstungna efnir til 100 ára afmælisfagnaðar í kvöld

3. apríl 2012

Afmælisfögnuður fer fram í kvöld í félagsheimilinu Þinghamri á Varmalandi í Borgarfirði í tilefni 100 ára afmælis Ungmennafélags Stafholtstungna. Fögnuðurinn hefst kl. 20:30. Segir í tilkynningu frá Umf. Stafholtstungna að stiklað verði á stóru í sögu félagsins og sýnd brot úr leikritum sem leikdeild þess hefur sett upp. Félagið var stofnað þann 4. apríl 1912.  Starfssvæði þess var upphaflega í gamla Stafholtstungnahreppi en hefur stækkað undanfarna áratugi. Nú á dögum nær starfssvæðið einnig yfir gamla Þverárhlíðahrepp og Norðurárdalshrepp. Allir ungmennafélagar og velunnarar félagsins eru velkomnir.