Skessuhorn:

Borgarbyggð auglýsir nýtt starf sérkennsluráðgjafa

13. apríl 2012

Með auglýsingu í Skessuhorni í gær auglýsir Borgarbyggð nýja stöðu sérkennsluráðgjafa fyrir leik- og grunnskóla og deildarstjóra námsvers (sérdeild) fyrir grunnskólanemendur í sveitarfélaginu. Um er að ræða tvískipt starf sem skiptist í 40% sérkennsluráðgjöf fyrir leik- og grunnskóla og 60% stjórnun og kennslu við námsver fyrir grunnskólanemendur sem staðsett verður í grunnskólanum í Borgarnesi. Leitað er að einstaklingi sem í senn þarf að búa yfir leiðtogahæfileikum, metnaði og eiginleikum til að þróa starfið þannig að það nýtist sem best fyrir sveitarfélagið. Umsóknarfrestur um stöðuna er til 30. apríl nk.