Skessuhorn:

Tvær endurvinnslur rísa á Grundartanga

26. apríl 2012

Uppbyggingin heldur áfram á iðnaðar- og athafnasvæðinu á Grundartanga. Þessar vikurnar eru að rísa hús tveggja endurvinnslufyrirtækja og á næstu dögum verður tekið í notkun stórt verkstæðishús vélsmiðjunnar Hamars. Endurvinnslufyrirtækin eru Kratus sem endurvinnur ál og GMR sem endurvinnur stál. Valdimar Jónasson stjórnarformaður Kratusar segir að stefnt sé að því að framleiðsla hefjist í júnímánuði. Arthúr Guðmundsson framkvæmdastjóri MGR segir að áætlað sé að framleiðsla hefjist hjá fyrirtækinu í byrjun næsta árs. Tugir beinna og afleiddra starfa verða til við uppbyggingu þessara fyrirtækja á Grundartanga.

Fræðast má nánar um um framkvæmdir við endurvinnslur á Grundartanga í Skessuhorni vikunnar.