Þrátt fyrir fjölda úrsagna úr þjóðkirkjunni síðustu árin á hún án efa sinn trausta sess meðal meginþorra landsmanna sem vilja eiga sína þjóðkirkju. Þess vegna má gera ráð fyrir að miklar væntingar séu bundnar við nýkjörinn biskup, Agnesi M Sigurðardóttur. Þessi hægláta kona hlaut afgerandi kosningu í nýafstöðnu biskupskjöri. Framkoma hennar og svör við áleitnum spurningum sem til hennar hafa verið beint á opinberum vettvangi að undanförnu, finnst mörgum gefa fyrirheit um að betri tímar fari í hönd hjá kirkjunni og kirkjunnar börnum. Agnes sagði einmitt í samtali við blaðamann Skessuhorns að ein af stóru áskorunum í því að taka við starfi biskups yfir Íslandi, væri það að endurvekja traust almennings á þjóðkirkjunni, þannig að þeir sem hefðu yfirgefið hana á seinni árum sæju tækifærið að snúa til baka.
Ítarlegt viðtal við Agnesi M Sigurðardóttur nýkjörinn biskup er í Skessuhorni vikunnar.
|
