"Ég er rosalega ánægður með hvað Haukarnir komu drengilega fram við okkur. Þeir sýndu virðingu, voru aldrei að gera grín að einhverjum,“ segir spilandi þjálfari Snæfells í Stykkishólmi eftir 31:0 tap gegn Haukum á heimavelli í gær. Líklega hafa ekki oft fyrr né síðar sést þvílíkar úrslitatölur í fótboltaleik hér á landi. En Páll Margeir Sveinsson þjálfari segir í samtali við Fótbolti.net: "Þetta var mjög gaman, ég hafði allavega gaman að þessu. Grasið var í fínasta lagi og það var slatti mikið af áhorfendum," sagði hann léttur í bragði. Ekki færri en sjö stráka vantaði í byrjunarlið Snæfells, en á sama tíma fór fram lokahóf Snæfells í körfubolta og þar hefur greinilega verið skemmtilegra að vera á þessu augnabliki og leikmenn valið þann kostinn. En fótboltaleikurinn var engu að síður spilaður. Meðal annars var einn strákur úr 9. bekk sem spilaði með Snæfelli allan leikinn. Það er frábært þegar menn taka hlutunum létt eins og Páll Margeir gerði í viðtali við Fótbolta.net, sjá HÉR
|
