Skessuhorn:

Guðmundur Steinn tryggði Víkingum sigur fyrir norðan

21. maí 2012

Það var sól en þó nokkur vindur þegar Víkingur Ólafsvík fór í heimsókn á Sauðárkróksvöll síðastliðinn laugardag. Mark Guðmunds Steins Hafsteinssonar, fyrirliða Víkinga, í fyrri hálfleikinn skildi liðin af og fóru gestirnir því með öll þrjú stigin að norðan. Þess má geta að Tindastóll hafði ekki tapað heimaleik á Sauðárkróki í tæp tvö ár fyrir leikinn.  Leikurinn fór heldur hægt af stað og voru heimamenn meira með boltann fyrstu mínúturnar. Það var síðan á 27. mínútu að Guðmundur Steinn kom gestunum yfir með góðu skoti í fjærhornið en hann var kominn í góða stöðu einn á móti markmanni. Markið hleypti lífi í leikinn og voru Víkingar mun líklegri til að bæta við marki þegar dómarinn flautaði til hálfleiks.

Heimamenn komu sterkari inn í seinni hálfleikinn og náðu að verjast sóknardjörfum Víkingum sem ólmir vildu bæta við marki. Tindastóll átti hins vegar ekki eitt skot á markið í seinni hálfleik. Mörkin urðu ekki fleiri og situr Víkingur Ólafsvík því í fjórða sæti 1. deildinni að loknum tveimur umferðum. Næsti leikur Víkinga er heimaleikur á móti Hetti Neskaupstað næstkomandi laugardag.