Skessuhorn:

Stöðvaðir á ferð með fíkniefni

25. maí 2012

Lögreglan á Akranesi stöðvaði í gærkvöldi bifreið sem var á ferð við bæinn. Þrír menn voru í bifreiðinni og þekktu lögreglumenn annan farþegann sem margsinnis hefur verið handtekinn vegna fíkniefnamisferlis. Var ákveðið að kanna málið betur og leita á mönnunum og í bifreiðinni. Við leitina fundust svo um 50 gr. af marihuana og 14 gr. af amfetamíni. Einnig fundust lyf og lyfseðill sem stílaður var á óviðkomandi aðila. Farþeginn viðurkenndi við yfirheyrslur að eiga efnin.