| Grundfirðingar eru ókátir með þá ákvörðun forsvarsmanna ÁTVR að synja beiðni þeirra um áfengisútsölu í Grundarfirði. Að sögn Bjargar Ágústsdóttur sveitarstjóra hafa forsvarsmenn ÁTVR gefið þau svör að ekki verði komið á fót áfengisútsölu í sveitarfélaginu á þessu ári, a.m.k. “Menn eru óánægðir með þessa ákvörðun þar sem staðurinn uppfyllir öll skilyrði, bæði hvað varðar íbúafjölda, vegalengdir í næstu áfengisútsölu og annað. Við teljum að íbúar sveitarfélagsins eigi fullan rétt á þessari þjónustu hér á staðnum og viljum brýna forsvarsmenn ÁTVR til að endurskoða sína ákvörðun, sagði Björg. |