Þórólfur Sveinsson, formaður Landssambands Kúabænda, náði ekki endurkjöri í stjórn Bændasamtaka Íslands á Búnaðarþingi í dag.
Vesturland og Vestfirðir eiga tvo menn í stjórn BÍ. Þau sæti hafa skipað þeir Guðmundur Grétar Guðmundsson á Kirkjubóli í Vestur-Ísafjarðarsýslu og Þórólfur Sveinsson á Ferjubakka í Borgarfirði. Báðir gáfu kost á sér til endurkjörs. Guðmundur náði kjöri með 28 atkvæðum en Þórólfur ekki; fékk 23 atkvæði.
Guðmundur Jónsson á Reykjum í Mosfellsbæ fékk 32 atkvæði á kjörsvæðinu og felldi þannig Þórólf úr stjórninni.
um voru kosnir í stjórn þeir Guðmundur Grétar Guðmundsson á Kirkjubóli, sem var áður í stjórn og fékk 28 atkvæði, og Guðmundur Jónsson á Reykjum, sem var áður í varastjórn, en fékk nú 32 atkvæði. Hann kemur inn af þessu svæði í stað Þórólfs Sveinssonar á Ferjubakka II í Borgarfirði, sem hlaut 23 atkvæði í stjórnarkjörinu. |