Á síðasta fundi bæjarstjórnar Borgarbyggðar var samþykkt að kanna hvort sveitarstjórnir Hvítársíðuhrepps, Skorradalshrepps og Borgarfjarðarsveitar hafi áhuga á að framkvæma skoðanakönnun meðal íbúanna í sveitarfélögunum, auk Borgarbyggðar um hvort fara eigi í viðræður um sameiningu.
Viðræður um sameiningu þessara sveitarfélaga hafa ekki áður farið fram en þegar Borgarfjarðarsveit varð til fyrir tæpum þremur árum var kosið um sameiningu í Skorradalshreppi og Hvítársíðuhreppi og var henni hafnað á báðum stöðum. |