Skessuhorn:

Stærðfræðikeppnin næsta miðvikudag

18. febrúar 2005

Hin árlega stærðfræðikeppni fyrir nemendur áttundu, níundu og tíundu bekkja verður haldin nk. miðvikudag í Fjölbrautaskóla Vesturlands. Auk grunnskóla á Vesturlandi er Klébergsskóla á Kjalarnesi og Grunnskólanum á Hólmavík boðin þátttaka. Tilhögun keppninnar er svipuð og undanfarin ár, þó er sú breyting að keppendum er ekki heimilt að yfirgefa keppnisstað fyrr en þeir hafa reynt við verkefnin í a.m.k. hálfa klukkustund. Tíu efstu í hverjum árgangi fengu viðurkenningarskjal og þrír efstu í hverjum árgangi að auki peningaverðlaun sem eru 15.000 kr. fyrir fyrsta sæti, 10.000 kr. fyrir annað sæti og 5.000 kr. fyrir þriðja sæti. 13 fyrirtæki í Borgarnesi, Akranesi og Grundartanga styrktu keppnina.