Skessuhorn:

Glókollastofninn hruninn

13. maí 2005

Nú í vor kannaði Náttúrustofa Vesturlands útbreiðslu glókolls á Vesturlandi eins og vorin tvö þar á undan. Svo virðist sem glókollum hafi fækkað verulega frá fyrra ári eftir fjölgun og útbreiðsluaukningu árið á undan, því nú fundust glókollar aðeins á tveimur svæðum af þeim 43 sem leitað var á, samanborið við 20 af 43 svæðum í fyrra. Orsakir þessarar fækkunar eru ekki kunnar, þótt nokkrar tilgátur hafi verið settar fram. Ekki er þó ólíklegt að tíðarfar og/eða breytingar á fæðuframboði hafi þar leikið lykilhlutverk. –pk