Skessuhorn:

Nýtt framboð félagshyggjufólks í Hólminum

1. febrúar 2006

Kynningarfundur um félagshygguframboð til bæjarstjórnar Stykkishólmsbæjar, fyrir sveitarstjórnarkosningarnar nú í vor, var haldinn sl. Mánudagskvöld.  Á fundinn mættu milli 50 og 60 manns og var mikill áhugi fundarmanna á því að bjóða fram lista félagshyggjufólks, óháð flokkslínum.  Í upphafi fundarins voru lagðar fram hugmyndir að vinnu sem mundi vera undirbúningur að framboðinu. Fundarmenn sem létu í ljós álit sitt voru ánægðir með fundinn og þær hugmyndir sem lagðar voru fram. Var kosin fimm manna kosningastjórn sem mun stjórna áframhaldandi stefnumótunarvinnu.  

Sami meirihluti hefur verið í Stykkishólmi nú um áratugaskeið, þ.e. listi Sjálfstæðisflokks og óháðra. Töldu þeir sem á þennan fund mættu að nú væri kominn tími til breytinga.