Skessuhorn:

Kristinn í stjórn fjarskipasjóðs

23. febrúar 2006

Sturla Böðvarsson samgönguráðherra hefur skipað Kristin Jónasson bæjarstjóra í Snæfellsbæ til setu í stjórn fjarskiptasjóðs og verkefnastjórnar í fjarskiptaáætlun. Stjórn sjóðsins hefur yfirumsjón með fjármálum fjarskiptasjóðs í samræmi við hlutverk sjóðsins. Stjórn sjóðsins er jafnframt verkefnastjórn fjarskiptaáætlunar og skal hún skila skýrslu um starfsemi sjóðsins til samgönguráðherra sem leggur hana fyrir Alþingi til upplýsinga.

Hlutverk sjóðsins er að úthluta fjármagni til verkefna sem miða að uppbyggingu stofnkerfa fjarskipta, verkefna sem stuðla að öryggi og samkeppnishæfni þjóðfélagsins á sviði fjarskipta og annarra verkefna, enda sé kveðið á um þau í fjarskiptaáætlun, og ætla má að ekki verði í þau ráðist á markaðsforsendum.

Í þetta verkefni var veitt hluta þeirra fjármuna er ríkið fékk með sölu Símans á síðasta ári.