Skessuhorn:

Á þriðja hundrað hraðakstursbrot í göngunum

21. apríl 2006

Um páskana voru 224 hraðakstursbrot í Hvalfjarðargöngum skráð hjá lögreglunni í Reykjavík, það er frá fimmtudeginum 12. apríl til þriðjudagsins 18. apríl. Af þeim brotlegu voru 58 á suðurleið og var meðalhraði þeirra 88,6 km/klst og 166 voru á norðurleið og var meðalhraði þeirra 88,5 km/klst. Alls fóru um 37 þúsund bílar um göngin um páskana eða um 1.200 fleiri bílar en í fyrra. Umferðin gekk vel að því er kemur fram á heimasíðu Spalar hf. og engir hnútar mynduðust á álagstímum.