Skessuhorn:

Nýr vefur fyrir Vesturland í loftið - skessuhorn.is

28. apríl 2006

Lesendur geta nú valið um þrjár stærðir af letri á nýja vefnum. Þá mun þessi vefur taka yfir hlutverk gamla Vesturlandsvefjarins og verða síðusafn Vesturlands þegar fram líða stundir. Tengingar eru inn á fréttir sveitarfélaga, nýjar og eldri og jafnframt er ferðaþjónustu gerð sérstök skil á undirsíðu vefjarins. Fréttir frá fyrirtækjum sem hafa vefumsjónarkerfi frá Nepal birtast jafnframt á sérstakri undirsíðu.

Sérstakir stuðningsaðilar við uppbyggingu nýs Skessuhornsvefjar eru; Akraneskaupstaður, Borgarbyggð, Nepal hugbúnaður ehf., Samtök sveitarfélaga á Vesturlandi, Sjúkrahúsið og heilsugæslustöðin á Akranesi og Skessuhorn ehf.

Í kjölfar þessara breytinga verður fréttavakt skipulögð hjá Skessuhorni alla daga vikunnar. Tilkynningar til vefstjóra og ábendingar um fréttir, myndir og annað efni til birtingar fyrir lesendur á Vesturlandi sendist á skessuhorn@skessuhorn.is

Með von um að nýi vefurinn okkar þjóni vel hlutverki sínu fyrir alla íbúa á Vesturlandi.

Magnús Magnússon, ritstjóri

Mynd: Það var Katrín Ósk Óskarsdóttir, starfsmaður Skessuhorns ehf. sem opnaði nýja vefinn formlega í dag.